ВМРО-ДПМНЕ: СДС и ДУИ оставија криминал и пустош, го рехабилитираме системот и владеењето на правото

СДС и ДУИ оставија криминал и пустош, ВМРО-ДПМНЕ го рехабилитира системот и владеењето на правото, велат од владејачката партија.

Од ВМРО-ДПМНЕ истакнуваат дека изминатиов период на виделина излегоа неколку криминални случаи, од кои јасно се гледа како СДС и ДУИ ја ограбувале државата.

-Од милионскиот криминал на Артан Груби во Лотарија, преку милионските тендери на Васко Ковачевски во РЕК Битола, до криминалните договори на Јован Деспотовски во ТИРЗ, милиони се испумпани од државата. СДС и ДУИ на државните претпријатија гледале како на колач за делење. И додека СДС и ДУИ правеле финансиски криминал во институциите, оставиле на улиците да дивеат банди, кои сега веќе се зад решетки. Презафатеноста со милионските тендери на СДС и ДУИ, наместо со спроведување на законот, допринело криминалци да се пукаат по улици, сето ова сега е минато, се наведува во соопштението на партијата.

Додаваат дека Владата на ВМРО-ДПМНЕ за краток период успеала да покрене постапки за одговорност на голем број криминали, а владеењето на правото функционира.

Продолжува борбата со криминалот и корупцијата. Одговорност за секој кој сторил криминал ќе има.