ВИДЕО: Јас и моетото семејство незаконски бевме следени од претходната власт, ОТКРИВА Мисајловски во „Наткаст“

Министерот за одбрана Владо Мисајловски во свое гостување во „Наткаст“ со Љупчо Цветановски на Курир, истакна дека бил незаконски следен, како и неговото семејство.

-Претходните агенции задача им било како нас да не следат, незаконски, преку институции што немаат таква законска надлежност. Немаме одговор зошто и прашањето е кога ќе се покрене обвинение за овие луѓе што работеле надвор од законот. Зошто тоа се правело, кој бил нарачател? Не може незаконски да следите лица, неговото семејство за свои партиски или политички цели. Јас сум еден од тие што биле следени со моето семејство, по оние информации кои ги добив, истакна Мисајловски.

Министерот посочи дека сепак надлежните институции треба да кажат дали ваквите информации се веродостојни.

-Ако е вистина, а убедени сме дека е така бидејќи имаме доста аргументи, тоа е погубно за државата. Тие институции се да обезбедат безбедност на секој еден граѓанин, потенцираше Мисајловски во „Наткаст“ на КУРИР.МК.