Уапсени двајца сопрузи: Едниот и се заканувал по живот на жената, другиот ја нападнал

Полицијата во два одвоени случаи вчера постапувала по пријави на жени кои биле нападнати од сопрузи.

Во првиот случај полицијата околу 14 часот постапила по пријава на 58 годишна жена.

-Полициски службеници од ПО Матејче го лишиле од слобода Ќ.М.(62) од кумановско село, поради тоа што истиот ден околу 10.00 часот упатувал закани по живот кон неговата сопруга, а притоа се обидел физички да ја нападне со тврд предмет, информира МВР.

Пред угостителски објект, а улицата „Маршал Тито“, во Тетово, полицијата вчера го уапсила Ј.Х.(54) од село Лавце.

-По претходна пријава во ПС Тетово од страна на неговата 42 годишната сопруга дека во нивниот семеен стан во Тетово, по вербална расправија физички ја нападнал, велат од полицијата.

Од МВР најавуваат дека по целосно документирање на случаите ќе следува соодветен поднесок.