Базенот во Штип конечно ќе биде завршен: Министерот Борко Ристовски го означи продолжувањето на изградбата

Министерот за спорт, Борко Ристовски заедно со градоначалникот на Штип, Иван Јорданов и економскиот оператор, го означи продолжувањето на изградбата на базенот во овој град – проект кој од претходната власт со години беше заглавен и оставен недовршен.

Со овој чекор, Министерството за спорт го исполнува ветувањето дека ќе работи на доградба и финализација на базените кои со години беа оставени како ругло во неколку општини. Овој приоритетен проект кој е дел од стратегијата на Министерството за спорт за подобрување на спортска инфраструктура во 2025 година, сега добива конкретна реализација.

-Со конкретни дела покажуваме дека доколку постојат капацитет, желба и добра соработка, сите предизвици можат да се надминат. Благодарност до сите кои се дел од овој процес – се гледаме на свеченото пуштање во употреба во јуни, изјави министерот Ристовски.