Маневски: Минатата власт вршеше ТЕРОР и НАСИЛИЕ, резултатите ги гледаме денес на улиците

Неколку дена по трагичната сообраќајна несреќа на Партизанска во Скопје каде животот го загуби младата, 22-годишна Фросина. Сообраќајна несреќа која крена огромен револт кај македонските граѓани.

Имено 20 годишник без возачка дозвола, во алхохолизирана состојба и со 130 километри на час ја усмрти Фросина Кулакова. За трагедијата да биде поголема, родителите на ова момче свесно му го дале возилото да го управува иако тој немал положено.

Но потоа оваа несреќа на површина ги извади и огромните пропусти на системот кој со години останувал при очи слеп и при уши глув на дивеењето на овој 20 годишник. Да! Ова 20 годишно момче било добро познат на полицијата, но уште попознат на судскиот систем кој очигледно го штитело.

Васил Јованов – Васо лани за дело неовластена трговија со наркотици бил ослободен од притвор и иако бил полнолетен кога го сторил делото му било пресудено да оди во поправен дом за малолетници, објавија медиумите.

Па оттука почна префрлањето на топката помеѓу судот и ЈО.

Жртвите се нижат, но системот никако да профункционира! Оттука одговор побаравме од поранешниот министер за Правда, Михајло Маневски, кој вели дека не му е јасно како и зошто судот во овој случај не реагирал како што треба?!

Ова што се случува, како да кажам, не е сообраќајна несреќа во која загина млада девојка, со едно безобзирно управување со моторно возило на лице кое нема ни возачка дозвола и е под дејство на алкохол, очигледно претставува една слика на општеството кое што веќе неколку години наназад западна во една таква состојба на неказнивост што доведува до апсурдни ситуации кога е во прашање здравиот разум. Здравиот разум не подразбира вакви ситуации во општеството. Мислам дека состојбите кои што се случуваат во правосудните органи и во јавното обвинителство, па и до некаде и во полицијата во одредено време пред неколку години, доведоа до една ваква ситуација која оправдано предизвикува револт кај граѓаните. Замислете сега, тоа момче кое има 20 години после само еден ден во притвор успева да дојде до мобилен телефон. Како успеа да дојде до телефон? Мислам дека состојбите во правосудните органи се многу пошироки отколку што изгледат. Ако вие се вратите малку наназад, кај родителите на ова момче, ќе видите дека тие за неговиот 18 роденден му подариле автомобил, оттука се поставува прашањето, како тие можеле да му го дадат клучот од тоа возило да го управува кога знаат дека тој нема возачка дозвола, така да одговорноста мора да се бара и кај семејството. Ако се земат во предвид и претходните негови нарушувања на законт, а тоа се тешки кривични дела како што е дрогата, се поставува прашањето зошто судот тогаш не реагирал како што требало? Изјави екс министерот Маневски за Курир.

Маневски вели дека крупни промени за ваквата ситуација во општеството не може да се реши ако поранешни обвинители на СЈО ви се челни лица во сегашните обвинителства.

Не може поранешни обвинители од СЈО денес да раководат со ЈОРМ. Тие сите до еден се дел од сегашните обвинителства на дрзавата. А гледате дека се уште ги пратат скандали за милионски суми исплатени за наводно некои додатоци. Додека не се разрешат членовите Судскиот совет и Советот на јавни обвинители состојбите во државата апсолутно не можат да се променат, истакна Маневски.

Но Маневски вели дека виновникот за ваквите случувања е добро познат. Тој вели дека поранешната влас на СДСМ и ДУИ се креаторите на ваквите состојби.

Не да имала влијание, туку таа е и креатор на ваквите состојби. Од политиката на прогон која се спроведуваше само на одредена категорија на лица со монтирани случаји, еве земете ги случаите „Тенк“ што се случуваше, немаше никакви дела, а луѓето беа малтретирани со месеци или „27-апри“, луѓето се со години во затвор, а нема докази дека тоа за што се обвинети е сторено. Таа власт влијаеше со терор и насилие! А резултатите од тој терор и насилие ги гледаме денес, вели Маневски.