Ивор Мицковски со коментар во свој стил: Лажен капетан, лажни новинари – сè лажно, само трошењето вистинско!

Познатиот поддржувач на СДСМ, Ивор Мицковски, се огласи на социјалните мрежи со саркастичен коментар за последниот скандал што ја потресе јавноста, во кој е инволвиран поранешен висок функционер токму од оваа партија.

Според неговите наводи, поранешниот директор на СОЗР дозволил владин авион да биде управуван од пилот без квалификации, кој притоа наплатил 56.000 евра како капетан.

Но, скандалот не застанува тука. Мицковски истакнува дека на патувањата присуствувале „лажни новинари,“ додека самиот директор се претставувал како еден од нив.

„Лажен капетан, лажни новинари, сè лажно, само трошењето вистинско!“ саркастично забележува Мицковски.

Неговиот коментар, напишан во препознатливиот стил, го разгоре огнот околу трошењето на јавните средства, поставувајќи нови прашања за одговорноста на институциите и функционерите на минатата власт на СДСМ и ДУИ.