Шведска: Во нападот во училиштето загинаа најмалку 10 лица

Најмалку 10 лица загинаа во нападот на училиштето за возрасни во централна Шведска. Пукањето се случило во Оребро, 200 километри западно од Стокхолм. Полицијата соопшти дека се убиени 10 лица, а меѓу загинатите е и самиот напаѓач.

Тие ја отфрлаат можноста дека нападот бил тероризам, и веруваат дека напаѓачот дејствувал сам.

На втората прес-конференција, полицијата соопшти дека „десетина лица се убиени“ во пукање во училиштето за возрасни „Кампус Рисбергска“. Се работи на нивно идентификување.

Мотивот за овој страшен настан е непознат. Според медиумите, напаѓачот имал 35 години, а полицијата испитува дали имал помагачи во овој напад.