Реал Мадрид запона преговори со Винисиус за нов договор

Агентите на фудбалерот на Реал Мадрид, Винисиус Жуниор го одржаа првиот состанок со раководството на шпанскиот гигант за да разговараат за новиот договор на 24-годишниот фудбалер, пренесе „Релево“.

Според изворот, на оваа средба Реал Мадрид ја споделил сумата што е подготвен да ја исплати на Винисиус според новиот договор. Агентите на бразилскиот играч веруваат дека нивниот клиент заслужува поголема плата.

Реал Мадрид е свесен дека овие преговори нема да бидат лесни поради интересот за Винисиус од саудиските клубови кои се подготвени да платат повеќе. Актуелниот договор на Винисиус со клубот е до летото 2027 година.