Пеп: Дуелите со Реал Мадрид станаа „Класико“ во ЛШ

Во пресрет на првиот натпревар на „Итихад“ своите очекувања ги изнесе тренерот Пеп Гвардиола. Тој посочи дека овој дуел станал европски класик во последната декада.

„Во последните години Сити – Реал стана вистинско „Класико“. Минавме доста меѓусебни моменти, се елиминиравме меѓусебно. Знам дека мора да одиграме врвно, имам план, а се надевам ќе продолжиме во следната рунда. Бевме нестабилни оваа сезона, нешто што претходно не ни се случувало. Сепак, се враќаме, јас сум оптиист и смирен сум. Играчите сакаат вакви натпревари како со Реал Мадрид, секогаш има притисок. 

Невозможно е да ги контролираме сите четири нивни ѕвезди (Винициус, Мбапе, Родриго и Белингем) во 90 или 180 минути. Сите четворица се неверојатни, го знаеме тоа. Мора да се обидеме да го намалиме нивниот импакт. Способни се и добро се комбинираат без разлика на противникот, ама мора да наметнеме своја игра и да однесеме добар резултат на реваншот“, изјави Гвардиола.

Првиот натпревар во Манчестер се игра во вторник во 21:00 часот. Реваншот е на 19 февруари на „Сантијаго Бернабеу“.