Свршен чин: Смената на државниот јавен обвинител е „готова работа“

Смената на државниот јавен обвинител е готова работа и само прашање на време. Се’ што треба е 61 пратеник да глаза за негова смена кога предлогот ќе дојде во собрание. Народски кажано, на Коцевски „му нема спас“ за функцијата. Не може да го спаси ни ставот на контаминираниот Совет на јавни обвинители, нивното мислење е само консултативно, не обврзувачко.

Министерството за правда подготвува и денеска ќе испрати допис до Советот на јавни обвинители, со што ќе почне процедурата за разрешување на државниот јавен обвинител Љупчо Коцевски, на иницијатива на Владата. Во дописот, Министерството за правда ќе ги образложи причините поради кои се бара разрешување на Коцевски и ќе побара мислење од Советот на јавни обвинители.

По истекот за законските рокови за мислењето од Советот на обвинители, без разлика дали Советот ќе даде или нема да даде мислење, предлогот за разрешување ќе оди пред Собранието, каде е извесно дека Коцевски ќе биде резрешен, затоа што Јавниот обвинител на Македонија се избира и се разрешува со 61 глас.

Според Законот за јавното обвинителство, Јавниот обвинител на Македонија се разрешува од функцијата пред истекот на мандатот поради тешка дисциплинска повреда, ако повредата е сторена со намера или очигледна небрежност по вина на Јавниот обвинител, без оправдани причини и ако повредата предизвикала тешки последици. Освен дисциплинска повреда, втора законска причина за разрешување на државниот обвинител е ако е член во политичка партија.

Откако ќе го добие предлогот за разрешување на државниот обвинител, Советот на јавни обвинители е должен во рок од 15 дена до Владата да достави образложено позитивно или негативно мислење во писмена форма. Ако Советот на јавни обвинители, од оправдани причини, во определениот рок не достави мислење до Владата, рокот се продолжува за уште 15 дена. Ако и во овој рок Советот не достави мислење, се смета дека не го поддржува предлогот на Владата за разрешување.

Од Министерството за правда објаснуваат дека позитивното мислење на Советот на јавни обвинители не е задолжително во постапката за разрешување.

Постапките се во тек, смената на Коцевски е само прашање на време.