Стојкоски: Очекувам ВМРО-ДПМНЕ на следните локални избори да има над 50 ГРАДОНАЧАЛНИЦИ (ВИДЕО)
Градоначалникот на општина Ѓорче Петров, доктор Александар Стојкоски, беше гостин во најновиот „Наткаст“ на новинарот Љупчо Цветановски.
Зборуваа за повеќе теми, а во пресрет на локалните избори кои треба да се одржат есенва беше отворено и прашањето дали е негова амбиција да се кандидира за градоначалник на Град Скопје.
Стојкоски дециден – негов фокус на работа е општина Ѓорче Петров и тоа така и ќе остане, како и тоа дека тој очекува на локалните избори, ВМРО-ДПМНЕ да освои 50 градоначалници.
Очекувањата се дека ќе имаме над 50 градоначалници, односно одиме на максимално голема победа на локалните избори. Имаме право, имаме резултати позади нас кои што го оправдуваат таквото очекување, затоа што ние поминавме низ еден тежок период, ние поминавме низ еден финансиски тежок период, рече Стојкоски.
