Ивор Мицковски со жестока критика за изборите во СДСМ: „Внатрепартиски избори со еден кандидат и тој не е самостоен“
Ивор Мицковски преку објава на социјалните мрежи реагираше на процесот на избор на нов претседател на СДСМ, откако Централната комисија на партијата утврди дека Венко Филипче е единствениот кандидат за партиски лидер на изборите закажани за 16 март.
„Внатрепартиски избори со еден кандидат и тој едниот не е самостоен“, напиша Мицковски, алудирајќи на тоа дека изборниот процес не носи вистинска демократска конкурентност и дека кандидатот не ја ужива потребната автономија.
Неговата реакција доаѓа откако СДСМ го претстави процесот како доказ за демократскиот капацитет на партијата, нагласувајќи дека нејзините членови директно го избираат лидерот.
