„Ви ги слушам пискотниците од Скопје ДБ(К) до Вашингтон ДЦ“ – Бојаџи ги подбра Ордановци

Јани Бојаџи испрати брутален одговор на Орданоски и неговите истомисленици, потсетувајќи ги дека тие беа тие што со години го клеветеа секој што не беше дел од нивната идеолошка матрица. Во 2019 година, истите овие „бранители на западните вредности“ го нарекуваа анти-НАТО и анти-Америка, повикувајќи САД да го „среди“. Шест години подоцна, истите тие сега пискаат против Вашингтон. Каква иронија!

Фактот дека Америка во тоа време го заштитила Бојаџи од нападите на Орданоски и неговите медиумски јуришници само покажува дека вистината секогаш испливува на површина. Орданоски и неговата група беа тие што некогаш се претставуваа како единствените автентични прозападни актери, но во моментот кога американската политика се смени и нивните канали на финансирање пресушија, тие станаа најгласните критичари на истата таа Америка.

Сега ги гледаме како хистерично се обидуваат да го сочуваат својот стар свет, додека се гушат во сопствените урнатини. Врескаат, паничат, но на крајот остануваат само безгласни сведоци на промена што не ја очекуваа. Како што Бојаџи кажа – тие сами го избраа својот пат, а сега треба да се помират со судбината.

Но, како што иронично забележува Бојаџи, можеби не треба да се радуваме прерано. Америка има долга традиција на користење на своите „добри измеќари“, без разлика дали се леви или десни. Стара или нова администрација, потребата за слуги секогаш ќе постои. Единствената разлика е што овој пат, нивната употребна вредност е значително намалена.