Град скопје и градоначалничката Данела Арсовска, очебијно, не можат да излезат од востановената матрица. Верувале или не, но по крајно хуманото укажување на КУРИР за информација од јавен и животен интерес за многумина дека Град Скопје користи вода од марката „Ругова“ која АХВ ја оцени како контаминирана со бактерии, се со општествено одговорна и хумана цел да се алармираат вработените во Град скопје, Советот, новинарите и гостите да не је конзумираат посочената загадена вода, Град Скопје и Данела Арсовска ни одговорија со интерес кога сме го испратиле прашањето до нив за тендерот и како е дојдено до набавката на косовска вода и кога е објавен текстот:
„Прашањето сте го испратиле во 13:00 а текстот сте го објавиле во 13:05 (види принт скрин прилог) па нејасно е како очекувате некој да ви достави информација во рок од 5 минути во кои очигледно текстот веќе ви бил подготвен за објава со прејудицирање на состојбите однапред.“
Почитувани од Град Скопје, добро ви оди математика и следењето време, но во брзање да ви укажеме да не ја пиеме контаминираната вода и да ве спасиме од несакани последици од истото дејствие и натамошна контаминација, текстот е пуштен веднаш штом е направен, мислевме дека тоа е побитно од вашиот одговор како, зошто , од кого, за колку пари и колкава количина од водата е во оптек во вашата институција. Во ваш манир нашиот одговор би бил „Извинете што се грижиме за животите на нашите сограѓани вработени во администрацијата, новинарите, советниците и гостите“, но нема да паднеме на тоа ниво. Испративме мејл за редундантни, не животозагрозувачки информации околу набавката на водата.
Исто така, ние не ве обвинивме вас дека сте „криви“ за состојбата со водата, во ниту еден момент, а во делот во кој објаснувате „Град Скопје нема добиено никакво известување од Агенцијата за храна и ветеринарство за било која вода или храна се неисправни. Исто како и сите останати институции во државата во град Скопје единствен начин е јавна набавка за избир на економски оператор за снабдување со стока и услуга, подеднакво за се што е достапно на пазарот и може да се купи во слободна продажба со претпоставка е дека е безбедно за потрошувачите во Македонија со дозвола на Агенцијата за храна и ветеринарство. Доколку Агенцијата за храна и ветеринарство ги направила задолжителните испитувања при увоз и влез на производи на македонскиот пазар, требало да не се дозволи тој производ да се најде на пазарот“, вие само посочувате дека не сте виновни, за што никој не ве ни обвини.
Со ова, сепак, Вие не ни одговоривте на прашањето доставено до вас кое во целост го пренесуваме:
„Почитувани, со оглед на фактот дека Агенцијата за храна и ветеринарство објави дека водата од Косово „Ругове“ е неисправна за пиење, а истата кај вас се служи на прес-конференции и седници на Совет, Ве молиме за одговор:
-Кога и на колку време имате склучено договор со овој добавувач на вода?
-Колку вода од овој вид имате набавено и потрошено до сега?
-Ќе преземете ли нешто по акцијата на АХВ?
Со почит, редакција на КУРИР“
Вие само објаснивте дека не сте добиле известување од АХВ, кое треба да си го побарате од нив, не од нас. Недостигаат информациите кои ги баравме од вас и се од јавен интерес:
„Кога и на колку време имате склучено договор со овој добавувач на вода?
-Колку вода од овој вид имате набавено и потрошено до сега?“
Нашиот интерес и брзање за лиферување на инфорамцијата се водеше од загриженоста дали некој предолго време конзумирал од оваа вода, има ли последици по здравјето и слично. Не по ваша вина, да, вие не ја произведувате или полните водата.
А за она што го пишувате за претседателот на Владата и дали и како сме го прашувале како вас, нема да пренесеме, бидејќи сметаме дека е премногу приземно, непотребно и дегутанто.
Со почит,
Редакцијата на КУРИР.МК
