Премиерот Мицкоски ќе присуствува на отпочнување со реализација на проектите во општина Илинден

Претседателот на владата на Република Македонија, Христијан Мицкоски утре ќе присуствува на отпочнување со реализација на проектите во општина Илинден.

-Ве известуваме дека утре 05.03.2025 година (среда) во 11:00 часот претседателот на Владата на Република Северна Македонија, Христијан Мицкоски, во рамки на теренските посети на општините „Каде што срцето е дома“ во организација на Министерството за локална самоуправа ќе присуствува на отпочнување со реализација на проектите во Општина Илинден и тоа:

-Изградба на сервисна улица 19 во УП за село Илинден, Марино и делот од КО Кадино Блок 32;

-Изградба на улица 500 и армирано бетонски плочест мост над одводен канал кај меморијален центар во населба Јака, населено место Марино;

-Изградба на дел од новопроектирана улица 20 во населено место Јака.

Предвидено е изјава за медиуми да даде премиерот Мицкоски во населеното место Јака во Марино, информираат од прес службата на владата.