Превентивни активности на СВР Штип за побезбеден сообраќај

Полициски службеници при ОВР Делчево и ПО за БПС Делчево денеска (06.03.) во централното градско подрачје на Делчево реализираа превентивна активност на тема „Не користи мобилен телефон додека возиш“.

За време на активноста на возачите учесници во сообраќајот им беа поделени летоци со едукативна содржина, изработени во соработка со РСБСП.

Преку непосредна комуникација, на возачите им беше појаснета опасноста и последиците што произлегуваат од користење на мобилен телефон за време на управувањето на моторно возило.

Исто така денеска и полициски службеници од ПО за БПС Кочани спроведоа едукативно превентивна активност на експресниот пат А3 под мотото „Не заборавај, стави појас“, додека пак полициски службеници од ПС од ОН Берово во општинското основно училиште „Дедо Иљо Малешевски“ реализира едукативна работилница на тема: „Безбедноста на најмалите во сообраќајот“, наменета за учениците од четврто одделение.