Волц: САД и Украина се движат во вистинската насока

Американската влада го следи напредокот во подобрувањето на односите со Украина и можниот крај на нејзината војна со Русија, јави ДПА.

-Мислам дека се движиме во позитивна насока, изјави советникот за национална безбедност на Белата куќа, Мајк Волц, за Фокс Њуз. Тој изјави дека телефонски разговарал со шефот на кабинетот на украинскиот претседател, Андриј Ермак.

Претходно Ермак, како и украинскиот претседател Володимир Зеленски, кој минатата недела влезе во јавна расправија со неговиот американски колега Доналд Трамп во Белата куќа, потврдија дека имало разговор.

Волц откри дека во моментов се водат разговори со украинската страна за „локацијата, датумот и преговарачкиот тим“ за нова средба.

Се разговарало и за „мерки за градење доверба“, кои потоа ќе и бидат претставени на руската страна.

-Вчера и денеска имаше позитивен исчекор. Ќе преговараме за мир, додаде Волц.

Претходно, Ермак рече дека се разговарало за чекорите кон „праведен и траен мир“. Беа разменети мислења и за прашања поврзани со безбедноста и усогласувањето на билатералните односи.