Возач избегал откако со „Ауди“ удрил во автомобил на ФРОНТЕКС

Денеска (13.03.2025) во 00.50 часот во Полициската станица Гевгелија било пријавено дека на ул.„Ацо Шопов“ во Гевгелија, патничко возило „ауди“ со скопски регистарски ознаки не застанало на даден знак од полициски службеници за запирање, продолжило со движење и удрило во службено возило „форд“ на ФРОНТЕКС – Европска агенција за гранична и крајбрежна стража, по што го напуштило местото, информира МВР.

Набргу, возилото било пронајдено, а возачот го напуштил местото и се преземаат мерки за негово пронаоѓање и за расчистување на случајот.