ПАНДИ ЈАНИ: Македонската партија во Албанија е киднапирана и узурпирана за лични интереси?

Македонската партија, која некогаш беше симбол на борбата за правата на македонското малцинство во Албанија, денес предизвикува бројни дилеми. Дали оваа партија е вистински застапник на Македонците или е узурпирана и ставена во функција на туѓи интереси, прашува еден од нај големи македонски активисти, Панди Јани.

Во услови на постојан притисок, Македонците во Албанија остануваат без силен политички глас кој отворено ќе се спротивстави на асимилаторските политики. Дали Македонската партија сè уште може да ја исполни својата првична мисија, или е време за сносење на политичка одговорност и промена на актуелното раководство или треба радикално да се направи нова македонска партија која вистински ќе ги брани македонските интереси?

Критичарите тврдат дека Македонската партија повеќе не ги штити правата на Македонците во Албанија, туку е заложник и служи за политички и лични интереси.

Дополнителен сомнеж за политичките мотиви на некои политичари донесе и блиската соработка со бугарски претставници, кои со години работат на асимилација на Македонците во Албанија. Доделувањето награди на истакнати бугарски „мисионери“, кои преку културни и историски проекти го промовираат бугарскиот идентитет на Македонците, е уште еден показател дека македонската партија ја изгуби својата суштинска мисија.

Последниот попис на населението во Албанија ја прели чашата и за тоа потребна е одговорност која треба да почне од претседателот на Македонската партија, порача Панди Јани.