Пленумка и шарена револуционерка од „Кој е следен“ повторно злоупотребува трагедија за да организира протест?!

Од срце ги поддржувала Студентски пленум и Шарена Револуција, сега протестира за Газа и злоупотребува несреќи, како трагичната смрт на Фросина Кулакова и несреќата во Кочани во која животите ги загубија 59 претежно млади луѓе, а околу 150 се повредени.

Марија Арсенкова е член на невладини и т.н. активистка, која најчесто ќе ја сретнете на протести, особено кога треба нешто да се злоупотреби. Според информациите, таа е една од лицата која стои зад иницијативата „Кој е следен“, политикантска „направија“ која во време на тага, веќе по навика злоупотребува несреќа за да излезат на протест.  Претпоставката на јавноста е дека тоа се прави за политички поени.

Членка на Зелен Хуман град, а тие пак излегуваат на избори и бараат советнички места во Град Скопје. Едноставно, ништо не се прави случајно.

Беше во илегала и „пензија“ во време на минатата влада на СДСМ/ДУИ, па нормално, само што се смени власта, некогашната шарена револуционерка повторно се разбуди од зимскиот сон и се ангажира со протести.

Најпрвин се појави во организација на протест за Газа пред Владата, иако Владата не е таа која е вмешана во војната во Газа.

Излезе и на протест за воздухот, само што се смени власт, претходно како да немаше загаден воздух.

Потоа се случи трагедијата во која загина младата Фросина Кулакова. Тогаш се појави иницијатива „Кој е следен“. Организаторите немаа храброст да се појават во јавност, се криеја и се уште се кријат зад измислен профил на социјалните мрежи.

И тогаш се протестираше, по два големи протести, решија концептот на протестите да го насочат во сосема друга насока, дури и против владата. Но семејството не дозволи.

Потоа за 8 март, повторно истите се обидоа да ја злоупотребат смртта на Фросина, за што реагираше повторно нејзиното семејство. Од семејството јасно ставија дека бараат правда, а не протест против владата.

Тогаш магично престанаа активностите на „Кој е следен“ што се покажа нивното лицемерие и нивната нечовечност,  или  – штом не смееја да искористат нечија смрт за политички поени, тогаш не протестираат. Народот вели „нема пари, нема музика“.

Се покажа ли дека не им било до правда за Фросина, туку само да искористат нечија смрт како што во минатото ги видовме случаите за Мартин Нешковски и малата Тамара?

И сега кога Македонија повторно е во тага, завиена во црно, нема еден кој не е потиштен, кога секој нормален би размислувал за сплотеност, помош, додека не се погребани ни загинатите, семејствата тагуваат, има десетици кои се уште се борат за своите животи, некои како Арсенкова и „Кој е следен“ тука гледаат шанса за искористување на нечија несреќна судбина и веднаш повикаа на протести и тоа не само во Скопје, туку низ цела држава. Ќе барале одговорност, иако обвинителството и МВР веднаш се зафатија со работа, истражуваат, приведуваат лица, има приведени лица од висок профил, функционери, има сопственик на дискотеката во тие на кои им е одреден притвор, што укажува дека не се фрла вината на „кабелот“.

Очигледна е намерата, ги искористуваат емоциите кај народот за да креираат гнев кој потоа би се прелеал низ улиците за да има анархија како во времето на ступидната и инструирана Шарена револуција/дееволуција (дееволуција која од учесниците направи мајмуни, а од државата преотекторат), со нула човечка емпатија кај себе, емоции кои никогаш не ги ни имале.

А се’ за пусти политички поени.