Безбедносниот експерт Јовановски за протестите: Краен хендикеп е што крајно неморални личности се појавија како протагонисти

Хибридната воја е перманентна, таа не престанува никогаш. Хибридниот агресор ги детектира слабостите во општеството и секогаш кога треба ги иницира и активира по потреба за да предизвика широка општествена ескалација, за да доведе до состојба која владата не ќе може да ја контролира ситуацијата, но сега условите во Македонија се променети и не одат во прилог на опозицијата и водачите на протестите, посочи во емисијата „За или против“ безбедносниот експерт и автор на книгата „Хибридна војна, зад сцената“, Владо Јовановски.

„Краен хендикеп во „нашиот“ случај е што крајно неморални личности се појавија како протагонисти на протестите, тие немаат капацитет да повлечат некого кој би излегол на нивни повик, бидејќи луѓето сфатија дека тоа се обични да не речам што. Претходната „револуција“ им беше дадена од странски стартези, на тацна и им беше кажано чекор по чекор како и што да прават и беа водени за уши како ќе дејствуваат. Сега тој странски фактор е изостанат и ова е дело на „нашите“. Мислам дека поради повеќе фактори не можат да ја добијат таа критична маса зад себе за поддршка и дека огромниот дел од населението ги има прочитано и нема да можатд да добијат никаква поддршка. Тие се наводно загрижени за кочанската трагедија, а во нивно време живи ни изгореа луѓе кои отидоа да се лечат во модуларната болница во Тетово, изгореа поради нивните коруптивни бизниси и зделки, знаеме од каков материјал беше градена таа „болница“, 45 луѓе изгореа во нелиценциран авотобус во Бугарија, 14-те починати кај Ласкарци, таму мислам беше возачот, на друго место кабелот и така натаму. Тие во минатото веќе покажаа дека немаат срам, меѓутоа ова е претерано. За истото за што јас сум одговорен и ми се случило, сега те обвинувам тебе и повикувам на јавен линч“  потенцира Јовановски во емисијата со новинарот Љупчо Цветановски.

„Во Србија, на пример покрај првата обоена револуција на почетокот ан 2000-те, кога на власт на крилата на „револуцијата“ го донесоа Воислав Коштуница со Зоран Ѓинѓиќ, кој беше еден од водачите во таа нивна обоена револуција, меѓутоа после тоа стигнаа сметките за тоа што си дошол на власт, ти сега треба да го признаеш Косово, да се дистанцираш во кој било поглед од Република Српска, треба да ги испорачаш во Хаг Милошевиќ, Караџиќ и Младиќ и не знам уште кој, и да го отстраниш во целост руското и кинеско економско влијание и бизнс во и од Србија. Некои барања можеа, но некои не може да се исполнат поради жртвите, загинаа околу 2.700 цивили, меѓу нив жени и деца во Бомбардирањата на НАТО. Така, немаше премиер или претседател кој може тоа да го спроведе и прифати. Таа приказна не пројде. И сега, обидот во Србија за втора шарена револуција или продолжеток на втората хибридна војна,  е со мали изгледи да успее. И кај нас, изгледите да успее се исто така мали.

-Зошто? Затоа што веќе имаме искуство, видовме што се случи со Шарената револуција, а геополитичките околности се многу поразлични бидејќи сега протагонисти  на тие револуции и во Србија и  кај нас, па и во Турција ова што е во тек, тоа што беше и во Романија, сега се во многу помал интензитет во однос на странската поддршка, кое првенствено беше предизвикано со промената на администрацијата во Вашингтон. Америчките инсталации, тие заостанати инсталации, би рекол,  сега го туркаат тој наратив, парите што се веќе дадени од УСАИД и Сорос мора на некој начин да се оправдаат и да се прикажат дека се потрошени со некаква цел, а инаку тие најчесто завршуваат во нечии џебови, кај тие двигателите на обоените револуции.

Значи, таа околност е сменета. Европа, пак, има помалку енергија и пари да се занимава со нас и со другите, затоа што „на врат“ и е Украина, таму се фокусирани, нема некој посебен интерес да дојдат кај нас и да ни кажуваат дека уште утре влегуваме во ЕУ и ќе живееме европски начин на живот. Така што, и во Србиј и кај нас, протагонистите дејствуваат во многу изменети околности. Пред се, можеби е најбитно, што искуствата говорат нешто друго. Инаку, обоените револуции каде и да се, бираат такви теми од општеството. Секаде, не само кај нас, наративите беа исти. Многу смислено се пласираат наративи кои треба да поттикнат широки народни маси, бидејќи револуција не може да се спроведе со илјада или не знам колку излегоа тука последниот пат. Треба учество на многу повеќе луѓе,“ цени безбедносниот експерт кој предвидува дека обидите за српски сценарија и ескалации во Македонија се осудени на неуспех.

https://www.youtube.com/watch?v=9-jBZhA6zsA