ВМРО-ДПМНЕ: ССМ станала приватна фирма со Трендафилов, за само една година луѓето околу него земаат милиони во вид на плати и додатоци

Синдикалците на батерии, на чело со Трендафилов, земаат над милион денари годишно во вид на плати и додатоци. За ова да е уште потрагично, овие пари ги земаат од донациите кои синдикалците со ниски примања ги даваат на ССМ, велат од ВМРО-ДПМНЕ.

Од партијата истакнуваат дека лажните синдикалци кои го предводат ССМ, се богатат на маката на работниците.

-Затоа, работниците кои членуваат во ССМ, се длабоки разочарани од раководството на чело со Трендафилов. Разочараноста на членовите на ССМ од актуелното раководство е тоа што истите тие го имаат претворено ССМ во приватна фирма и ги користат благодетите на истата. Додека ги гледаат во очи и ги лажат синдикалците, Трендафилов и останатите синдикалци на батерии, инкасираат милионски суми во нивните џебови на грбот на работниците, синдикалци. Трендафилов и луѓето со кои што одработува за СДС, земаат плати за 3 или 4 плати поголеми од минималната плата. Затоа тие немаат реална претстава за маката на граѓаните, се наведува во соопштението на партијата.

Политиканството на Трендафилов и ССМ, мора да престане.