д-р Кузмановска: Едукацијата во знаења и вештини е најсилна и најдобра инвестиција

Во рамки на вториот конгрес на сестри по анестезија, реанимација и интензивно лекување со меѓународно учество од балканските земји посебен сегмент беше посветен на областа трансплантација со која започна овој конгрес, а беа опфатени и многу актуелни теми од областа на анестезиологија, интензивно лекување.

Проф. д-р Билјана Кузмановска, национален координатор во првата сесија предавањето го посвети на градењето на систем за трансплантација во земјите во развој.

Според проф.д-р Кузмановска едукацијата во знаења и вештини е најсилна и најдобра инвестиција, која може да влијае на подигнување на квалитетот како на системот за трансплантација, така и воопшто за целиот здравствен систем.

Во наредниот период ќе се продолжи со активности за јакнење на јавната свест и изградба на доверба кај населението, како клучни фактори за успешно функционирање на националната програма за трансплантација. Присутните имаа можност да слушнат примери од добри практики од балкански земји и да дискутираат за предизвиците со кои се соочуваат здравствените работници во процесот на донирање и трансплантација на органи.