ВИДЕО: Турска водителка се вознемири од земјотресот среде емисија во живо

Земјотрес со јачина од 6,2 степени според Рихтеровата скала го погоди Истанбул во средата попладне, објави турската агенција за управување со катастрофи и вонредни состојби (АФАД).

Земјотресот попладнево се случи во близина на брегот на Силиври во Мраморното Море.

Всушност, силниот потрес ја затекна новинарката на Си-Ен-Ен Турк во студио, средем емисија во живо. Новинарката, како што се гледа на видеото кое кружи на интернет, е мирна во првите секунди од земјотресот. Меѓутоа, како што поминува времето и се засилува земјотресот, таа се збунува но ја продолжува емисија.

Телевизијата емитуваше и други снимки од земјотресот и од тоа како граѓаните бегаат низ улиците.

Земјотресот се случи во 12:49 часот по локално време и силно се почувствува во Истанбул и соседните области, што ги натера исплашените жители да ги напуштат зградите.

Уште еден земјотрес со магнитуда од 4,9 степени по Рихтер се случи во 13:02 часот, со епицентар на брегот на Бујукчекмеџе во Мраморното Море.

АФАД соопшти дека сите релевантни институции и тимови за одговор се мобилизирани и вo тек се проверки на терен за да се процени потенцијалната штета и да се осигури јавна безбедност.

Агенцијата нагласи дека тимовите активно ја следат ситуацијата и ги координираат напорите за одговор.