Синдикална “демократија” : Со 14 од 69 гласа Јолески отстранет затоа што ја разоткри политичката заднина на протестот на ССМ

Како претседател на СО при НУ Музеј Др. Никола Незлобински Струга кој учествуваше на денешниот протест пред Владата мислејки дека протестот е со цел за унапредување на работничките права, должен сум да го истакнам следното:

– Според начинот на којшто се одвиваше протестот и пораките кои што беа испратени од говорниците добив впечаток дека сум на погрешен протест, погрешно место, во погрешно време

– Иако претходно беше кажано дека протестот ќе биде исклучиво во знакот на работниците и работничките права, говорниците на истиот го покажаа спротивното. Тие постојано звучеа како гласноговорници на опозицијата против власта и со тоа дадоа сосема поинакво светло на самиот синдикален протест.

– Од тие причини, како претставник од СКРМ упатувам апел до претседателството на СКРМ да ја преиспита соработката со ССМ и во иднина да не се случуваат вакви испади каде што членовите на синдикатот се изманипулирани за политички цели.

Со почит
Васко Јолески
претседател на СО при НУ Музеј Др. Никола Незлобински и член на Советот на СКРМ

Но, после овој статус на претседателот на СО при НУ Музеј Др. Никола Незлобински и член на Советот на СКРМ следеше и негово отстрануње од чет група на социјалните мрежи во која членуваат 69 луѓе, а при гласањето тој бил остранет со само 14 гласа.