ЦУК го тестира системот за СМС предупредување на граѓаните

Центарот за управување со кризи почна со тестирање на системот за рано предупредување/информирање на граѓаните.

Попладнево голем дел од граѓаните добиваат СМС пораки од ЦУК.

-Ве известуваме дека на територија на цела држава е прогласена кризна состојба за полесно справување со шумските пожари. Воедно ве известуваме и дека во сила е забраната за движење во шумите, е содржината на пораката која попладнево пристигна на мобилните телефони на голем број граѓани.

Од ЦУК појаснуваат дека се врши тестирање на системот кој набрзо треба да се имплементира.

Поконкретно тестирањето е во насока на подготвеноста на мобилните оператори, на колкав број корисници оддеднаш можат да испратат порака со предупредување без проблеми.