„Афера СОЗР“ го разгоре Фејсбук: Лажен капетан, фиктивни новинари и 56.000 евра за ништо!

Дебатата околу скандалот со „лажниот капетан“ и трошењето на јавните средства ја доби својата хумористична димензија на Фејсбук профилот на познатиот поддржувач на СДСМ, Ивор Мицковски.

Новинарката Катерина Синадиновска се надоврза со саркастичен коментар: „Па и Премиерот (Ковачевски) беше лажен. Неизбран.“

Мицковски одговори во свој стил: „Он (Ковачевски) беше од моделот ‘како и до сега’,“ на што Синадиновска реплицираше: „Троа бетер”.

Оваа размена предизвика лавина реакции, внесувајќи ироничен тон во актуелните обвинувања кон претходната власт.

Првичниот текст на Мицковски, кој ја започна оваа дебата, открива скандал поврзан со поранешниот директор на СОЗР, кој дозволил владин авион да биде управуван од пилот без официјално звање капетан, но со плата како капетан, за што биле исплатени 56.000 евра.

Дополнително, патувањата вклучувале „лажни новинари,“ меѓу кои и самиот директор се претставувал како новинар, со што Мицковски го критикува трошењето на јавните средства на фиктивни услуги.