Милано го освоија Каунас, Ц.Звезда со трета победа во низа

Олимпија Милано оствари значајна победа на тешкото гостување во Каунас кај Жалгирис во Евролигата.

Италијанскиот состав иако ослабен успеа да пронајде начин да се избори за триумф од 89:87 и со тоа воедно да избегне дргуо сценарио во кое ќе имаше идентичен учинок со денешниот противник. Во отсуство на Миротиќ, лидер е Ледеј кој испорача 26 поени со 5 скока.

Нашиот Димитријевиќ за 15 минути на паркетот уфрли 4 поени со 3 скока, 5 асистенции и 1 украдена топка. На спротивната страна залудни беа 29 кошеви на Франциско.

Црвена Звезда пак дојде до победа и во вториот евролигашки меч во оваа седмица и тоа против Алба во Берлин. Клубот од Белград беше подобар со 77:71 во соочување во кое во прв план беше Петрушев со 17 кошеви и 4 скока.

Останати резултати: Фенербахче-Реал Мадрид 78:67, Панатинаикос-Анадолу Ефес 104:89, Баерн Минхен-Асвел 76:67