Три тепачки во првите 9 секунди на натпреварот Канада-САД

Три тепачки избија во првите 9 секунди од натпреварот меѓу хокеарските репрезентации на Канада и САД. Се чини дека политичката тензија што ја предзивика американскиот претседател Доналд Трамп со најавата дека сака да ја припои Канада создаде тензија меѓу двата ривали во овој спорт.

Всушност, најавите на Трамп за Канада, меѓу кои и дека ќе воведе царини за оваа земја, предизвикаа исвиркување на американската химна на сите спортски натпревари во Канада.

Така беше и вчера во Монтреал, каде што тензиите ја доживеаја кулминацијата.Американците победија со 3:1, па Канада ќе треба да оди на победа против Финска за пласман во следната рунда на овој турнир.