Градежна офанзива на „Алексо Демниевски“

Отпочнавме со реконструкцијата на 13 краци на ул. Алексо Демниевски! За прв пат се реконструира улична мрежа со вкупна должина од 3000 метри и површина од 11 350 m², објави Александар Стојкоски, градоначалникот на Општина Ѓорче Петров.

-Оваа инвестиција од приближно 15 000 000, 00 денари значајно ќе ја подобри инфраструктурата и ќе донесе современи услови за жителите на урбаната заедница Мирче Ацев, особено во местото Диво Маало – по првпат после неколку децении, потенцира Стојкоски.

„Секој метар асфалт е чекор кон подобар живот, поголема удобност и иднина која ја градиме заедно. Ова е доказ дека Ѓорче Петров не застанува. Продолжуваме напред, со уште поголема решителност и енергија, за да ги исполниме сите наши заеднички соништа.

Благодарам на секој од вас за трпеливоста и довербата. Ова е наша заедничка победа, а јас сум тука да осигурам дека ќе продолжиме да градиме иднина за која сите заслужуваме да бидеме горди.
Напред кон уште поголеми успеси, додаде градоначалникот.