Св. Никола свечено прославен во селото Шулин, Пустец (ВИДЕО+ФОТО)

Во селото Шулин, општина Пустец, Република Албанија, вчера се одржа свечената прослава по повод големиот христијански празник Св. Никола. Овој празник е еден од најзначајните настани за мештаните, кои традиционално го одбележуваат со голема радост и почит.Оваа година, улогата на кум беше Ѓорѓи Кристо, кој заедно со своето семејство организираше богата трпеза и учествуваше во сите свечени активности. Наутро, во црквата во Шулин се одржа света литургија, на која присуствуваа голем број верници, не само од селото, туку и од околните населени места.

Кумот Ѓорѓи Кристо ја продолжи традицијата со подготовка на празничен ручек за сите присутни. Жителите на Шулин изразија благодарност до кумот за неговата посветеност и великодушност, како и за тоа што ја зачувува традицијата што се пренесува од генерација на генерација.

Прославата продолжи во пријатна атмосфера, со песни и традиционална македонска музика, што уште еднаш го потврди духот на заедницата во Пустец.

Св. Никола останува празник кој го обединува селото Шулин и ја одржува живата врска со духовното наследство и македонските обичаи.