Македонија плаче и тагува: Познато времето кога ќе бидат погребани жртвите од пожарот во Кочани

Погребот на настраданите во ужасниот пожар во Кочани ќе се одржи утре (четврток, 20.03.2025 година) во повеќе градови во Македонија.

Директорот на Центарот за управување со кризи, Стојанче Ангелов информираше за времето кога ќе бидат погребани 59-те жртви.

-11.00 часот на градските гробишта во Штип:

-12.00 часот на градските гробишта во Кочани:

13.00 часот на гробиштата во с. Облешево.

Останатите погреби ќе се одржат во различни временски периоди во текот на утрешниот ден. Свештениците од локалните цркви ќе ги контактираат сите ужалени семејства со детали околу погребот.

Како што претходно беше објавено, утре во Скопје погребани ќе бидат Андреј Ѓорѓиески од ДНК, во 10 часот на градските гробишта Бутел и придружниот вокал Сара Пројковска чие тело ќе биде изложено од 12:00 до 14:00 часот во Црквата „Свети Петар и Павле“, а погребот ќе се изврши на гробиштата во Горно Лисиче.

-Не можам да ги опишам ужасот и тагата кои ги чувствувам. Уште еднаш изразувам најдлабоко сочувство до семејствата на настраданите. Бог нека им дава сила да ја издржат оваа ненадоместлива загуба, болка и тага. Во овие моменти на неопислива тага, траор и колективна жал ги замолувам сите граѓани за достоинствено испраќање на жртвите и разумно постапување во текот на утрешниот тажен ден, апелираше Ангелов.