Наумовски: Украина во иднина нема да ја добива поддршката од САД во иста форма ист обем, Трамп ќе се обиде да ги затвори овие конфликти!

-Најави што ги слушам сега од претседателот Зеленски, сметам дека се директен резултат од промената на власта во САД. За разлика од минатото кога тој во имаше јасни, еве да ги наречам црвени лини, дека нема да отстапат ниту педа од териториите, дека ќе ги вратат сите свои територии, сега полека се адаптира на реалноста. Реалноста е дека Украина каква што постоеше пред војната веќе нема да постои, колку и да сака некој да ја поддржува, вредностите, меѓународното право, сите тие аспекти, меѓутоа ситуацијата на теренот во моментот е таква така што Русија нема никаква можност да се повлече од она што го има освоено, односно територите кои што се освоени и официјално се прогласени за дел од руската територија, ќе продолжат да бидат дел од руската територија, слично како што беше со територијата на Крим, кој веќе повеќе од 10 години, од 2014 година е дел од руската Федерација. Се уште постојат тие мапи со слика од дел од Украина, меѓутоа тоа една завршена работа која што нема шанси да се врати, изјави Наумовски.

Поддршката која што во минатото Украина ја добиваше од страна на САД, во иднина нема да ја добива во таа форма и таков обем, смета .ниверзитетскот професор Наумовски.

-За разлика од претходно претседателот Зеленски сега зборува за привремено оставање на тие територии под контрола на Русија додека не се реши ниовниот конечен статус, а бара дополнителни гаранции за овој преостанат дел од украинската територија, исто така голем дел, богат со ресурси… Сега веќе не е услов да се прими Украина во НАТО, што сметам дека е преамбициозно за тоа да се случи туку се бараат некакви безбедносни гаранции и со физичко присуство на трупи на земјите членки на НАТО кои што ќе ја бранат и гарантираат безбедноста на Украина. Од друга страна Руската Федерација веројатно се приближува до ставот кога ќе каже дека се остварени целите на нивната како тие што ја опишуваат „воена операција“ и дека имајќи предвид дека тие цели веќе се остварени може да се впуштат во едни преговори за завршување на овој конфликт. Секако доколку Украина ја немаше поддршката од САД во изминатите години немаше да успее да го одржи ова што сега го одржи. Европските земји се исто така значајни, меѓутоа САД се доминантни и сега украинското раководство исправено пред дилмата, дали доколку продолжи да се надева дека ќе ја добива и понатаму американската поддршка ќе биде во можност да продолжи да се бори, јас сум сигурен дека во тие разговори кои што ги имале и со претседателот Трамп и со луѓе од неговиот тим им е јасно ставено до знаење дека поддршката што ја добиваа во таа форма и во тој обем, нема да ја добиваат во иднина, вели Наумовски.

Наумовси вели дека Трамп е познат по тоа што е прилично прагматичен и во меѓународните односи и ќе се обиде да ги затвори овие конфликти и да се и да се посвети на економската соработка со цел се разбира да се подобрат позициите и да се има поголеми придобивки за американската економија.

-Еднаш во една прилика претседателот Трамп го опиша Зеленски како еден од најголемите трговци кој што кога и да дојде во САД, заминува со десетици милиони финансиска помош, што значи дека американските даночни обврзници веќе нема да ја финансираат војната во Украина и во корист, според мене ќе биде и на украинскиот народ и на Русија и на Европа и на САД и веќе ова војна што е можно побрзо да заврши. Претседателот Трамп е познат по тоа што е прилично прагматичен и во меѓународните односи. Тој за време на првиот мандат беше дури и на средба со севернокорејскиот лидер, зачекори официјално на територијата на Северна КОреја што беше незамисливо, што значи тој ќе се обиде да ги затвори овие конфликти и да се и да се посвети на економската соработка со цел се разбира да се подобрат позициите и да се има поголеми придобивки за американската економија, смета поранешниот амбасадор во Вашингтон Васко Наумовски.