Гвардиола: Останавме без најсилниот и најбрзиот

Искусниот десен бек на Манчестер Сити Кајл Вокер после седум години реши да го напушти Манчестер и да искуси една поинаква европска авантура, а откако го комплетираше трансферот во Милан, почнаа да пристигнуваат се повеќе реакции за одлуката која ја донесе.

Гвардиола со големо жалење порача дека морал да му дозволи заминување на капитенот, притоа објаснувајќи без каков играч останал Сити на средина на сезоната.

– Вокер реши да си замине и тоа е тоа. Останавме без најтешкиот, најбрзиот и најсилниот дефанзивец кој некогаш сме го имале, но тој донесе своја одлука и моравме да ја почитуваме. Му се заблагодарив за сето она што го направи за нас во изминатите седум години. Освои безброј трофеи, беше неверојатно константен и беше клучна фигура за тимот. Му го кажав тоа лично, но му го кажав и пред сите во групата. Му посакав се најдобро во иднина, на него и неговото семејство, – изјави Пеп.